Tu âs cirût la peraule
monolengâl
torne indaûr

monolengâl

parâ jù loc.v.
Fâ lâ jù, fâ colâ
sinonims
butâ jù
esemplis
"[altris animis danadis] si tacarin ai siei pîts di bramis di lâ fûr di li. Chê [la mari di sant Pieri], però, invidiose che altris di lôr a fossin vignûts a vê un util di une man che i vignive dade dome a jê, si scjassà dute par parâlis jù"
gjavât fûr di "Lis çariesis pe mari di sant Pieri" di Alviero Negro
"dut il paîs si deve dongje par disboscâ, fâ lis stuis te aghe dal Citon par parâ jù il legnam"
gjavât fûr di "I forescj" di Alan Brusini, Gian Paolo Linda
parâ jù loc.v.
Gloti (ancje ass.)
sinonims
mandâ jù, butâ jù, parâ jù pal cuel
esemplis
"a sant Pieri no i scuadrave masse [la jote]; la zirave pe bocje un pieç a lunc, e po la parave jù a dadis, sierant i voi"
gjavât fûr di "La ospitalitât" di Luigi Gortani
"la Stele, cuiete tal so cjanton scûr, e moveve i siei voi tonts e e parave jù il fen a bocjadis"
gjavât fûr di "La tiere di Lansing" di Maria Forte
" jê e tornà in cusine par viodi di mangjâ alc e si sfuarçà di parâ jù ancje se no 'nd veve voie"
gjavât fûr di "Fûr di timp" di Jolanda Mazzon
parâ jù loc.v.
Fâ calâ di fuarce, di intensitât e v.i.
sinonims
butâ jù
esemplis
""Tu sâs che l'aiar di Primevere ti pare jù la gnarvadure!""
gjavât fûr di "In cîl e je une stele!..." di Arturo Feruglio
parâ jù loc.v.
Tirâ vie, fâ sparî
sinonims
butâ jù, scancelâ, eliminâ, tirâ vie
esemplis
"Crist nol è vignût a parà jù in nissune maniere lis carateristichis dai popui"
gjavât fûr di "L'ultin patriarcje: Denêl Dolfin" di Francesc Placerean
torne sù